Tehreek, Tehleel, Taskeen

Tehreek Tehleel awr Taskeen

Jab kisi ozoo mai khoon ka ghair zaroori ijtimaa ho jay awr osse os ozoo ke ghair tabbi afaal ka sodoor hona shoroo ho jay tb ose Tehreek kehty hain. Awr tehreek ki 2 soortain hain.

Tehreek ki Pehli soorat

Jab khoon mai kisi ozoo ki ghiza zeyada ho awr wo ozoo khoon se apni ghiza zeyada leni shoroo kar dy , tu jis qadar wo zeyada le ga otna e os taraf khoon ka dawra zeyada ho ga. Jab rasad awr kharch zeyada ho ga tab os ozoo mai qowwat bhi zeyada ho gi. Jab qowwat zeyada ho gi tu oske afaal bhi tez ho jaaty hain. Choonkeh ye amal akhlaat ke zareeye waaqia hota hai eslye esy KHALTI KEMYAAWI TEHREEK kehty hain.

Tehreek ki doosri soorat

Jab kisi ozoo mai khoon ka ijtimaa ya fail ki tezi ki waja se koi zehreela maada ya maheej asar andaaz ho tu wo ozoo apny fail mai tez ho kar osko dafa karny ki koshish karta hai. Ye kaam wo apny safaid zarraat ke zareeye karta hai. Jis maqam par koi zehreela mawaad ho wahan oski foaj hamla aawar ho kar os nuqsaan deh maada ko khatam kar deta hai. Esy azaa ki machini tehreek kehty hain.

Maqam e marz

Maqam e tehreek e maqam e marz hai. Os taraf barhy howe khoon ke dawraan ko phir os taraf muntaqil kar dain jahan se khoon ja choka tha. Awr wo ozoo halat e taskeen mai hai. Os maqam e taskeen ko es qadar tehreek dain keh oski tamam ghair tabbi alamaat khatam ho jayn. Hatta keh tamam azaa mai dawran e khoon saheeh ho jay. Awr azaa ke afaal saheeh tor par saadar hoon.

Tehleel

Tehleel ke lafzi maani hal hona ya ghal jana ya kisi murakkab ka apny ajzaa mai taqseem ho jana. Awr istilaah e tibb mai esse moraad roky howe khoon ko apny mujraa mai jaari karna. Ese english mai Resolvation kehty hain. Jese moam batti ko jalaya jay tu wo phigal jati hai. Ya dhoop mai barf rakhyn tu tu wo tehleel ho jati hai. Ya gur ki dali ko pani mai rakhyn tu wo hal ho jati hai.

Amal e tehleel mai mandarja zail awamil hoty hain.

1. Maady ki noeeyyat awr hal hone ki salahiyyat

2. Dabao

3. Hararat

Sab se pehly maada ki noeeyyat ko dekha jayga. Keh wo kis tarah ke mawaad mai hal ho sakta hai. Osi tarh ka mawad dia jayga jis ke dabao se wahan hararat paida ho gi awr wo cheez tehleel ho jaygi. Eslye tehleel ka asaan tareen ye hai keh roky howe mawad ko khoon ki garmi ke zareeye apny majaraa mai jaari karna. Awr majaraa ki bandish mai jo kemyawi mawad jama ho gye hoon onhain door karna. Awr jo ozoo sozashnaak howa ho ose wapis oski asal haalat par lota dena. Awr ye os waqt tak momkin hai keh jab tak ozoo mutasir ki qowwat e haiwania qaaim ho.

Jab kisi ozzoo mai sozish ho jay awr oske afaal bigar jaayn awr jisam ki faili kemyawi haalatyn badal jayn tu os bandish , rokawat awr ijtimaa e mawad ko khatam karny ke lye khoon apni garam ratoobat os maqam par girata hai jis se wo mawad hal hony lagta hai. Awr majari ki bandish door hony lagti hai awr bilaakhir opzoo ka fail drust ho jata hai.

Lekin jab ye amal bila zaroorat ho tu khoon ki ye garmi ozoo ko jala deti hai awr os ozoo ko tehleel kar deti hai. Jese sooraj ki garmi baraf ko pighla deti hai, paani ko hawa bana deti hai, aag ka shola moam batti ko pighla deta hai. Hararat ka kaam tehleel karna hai, agar ye roky howe mawad par asar kary tu ose tehleel kar deti hai. Awr agar ozoo saheeh par asar andaaz ho tu ose halat tehleel mai mobtala kar deti hai. Jis se oski qowwat zaail ho jati hai awr osme ZOAF ajata hai.

Taskeen

Taskeen me maani halat sokoon k hain. Awr sakoon ka lafaz harkat ki zid hai. Jahan tehreek ka matlab harkat awr fail ki tezi hota hai wahan taskeen ka matlab adm e harkat awr fail ki sosti hota hai. Istilah e tibb mai taskeen ka matlab kisi ozoo ka failan bekaar awr sost ho jana hota hai.

Jab kisi aik ozoo mai tehreek hoti hai tu doosry ozoo mai ijtimaa e hararat se tehleel hoti hai, awr teesry ozoo mai ratoobaat ke ijtimaa se taskeen ho jati hai. Choonkeh sozish ka ibtidaai rad e amal ratoobaat ka girna hai. Eslye tabiat modabbira badan aksar ratoobaat ko girati hai awr ye ratoobaat khoon e se joda hokar girti hain. Esi tarh wahan ahesta ahesta kaafi miqdaar mai ratoobat bhi ikhatti hona shoroo ho jati hai. Phir yahi ratoobat jisam ki jalan awr dardon ko rokti hai jese jisam ke kisi hissa ka jal jana awr os par chhaly par jana tu oska maqsood wahan ki jalan awr dard ko khatam karna hai. Yahi eska QUDRATI awr FITRI ilaj hai. Esi mai izafa karna chaheye takeh wahan se jalan door hony ke sath sath bechaini awr tanao bhi kam jo jay.

Esse yhi aik nukta saamny ata hai keh jis maqam par sozish awr warm ho jay tu os maqam par ratoobaat ko zeyada se zeyada giraya jay qionkeh yhi ratoobaat jab azaa e jisam par girti hain tu QUDRATI awr FITRI tor par taskeen ka baais banti hain. Ratoobaat giraany mai intihaai ihtiyat vse kaam lena chaheye qk ye agr kisi ozz par zeyada gir jaayn tu wahan zeyada dair tak pari rahain tu tu wahan ISTARKHA paida kar deti hain.

Dawran e khoon ke mutabiq jis maqqam par khoon jama ho rha hota hai wo maqam e tehreek hai awr jis maqam se khoon ja raha hota hai wo maqam e tehleel hai awr jis maqam se khoon ja choka hota hai wo maqam e taskeen hai.

Taskeen ki halat mai khoon choonkeh wahan se ja choka hota hai eslye hararat bhi khatam ho jati hai awr wahan par ratoobat jama hona shoroo ho jati hai jis se wo ozoo sost ho jata hai. Awr osse fozlaat ka ikhraaj band ho jata hai awr wo kasrat e ratoobat se phool jata hai. Ilaj ke silsily mai esi maqam e taskeen ko nai tehreek dene se eske tabbi afaal dorost ho jate hain.